A pasal leh Holllywood veteran star ni bawk Bruce Willis-a’n kum 68 hmel hmu a, birthday a lo thlen meuh chuan a nupui Emma Herning Willis tan lungngaihna leh tawrhna lo thlentu a ni zawk mah.
“Tukin zing atang khan tahna leh mittuiin bul ka tan a, ka mit vung thlengin in hmu thei ang,” tiin instagram video kaltlangin a sawi a. Thil reng reng chu a nihna ang taka hmu chian ngam a pawimawh thu te pawh a pasal dinhmun sawilan phahin a tarlang.
Willis hi February atang khan tihdam thei loh frontotempeoral dementia anga enkawl tawh niin, nikum lama aphasia a neih hnu khan tawng a harsa chho zui a, a dinhmun pawhin hniam lam a pan.
Nikum vek khan a chhungte chuan a hrislena dinhmun tlahniam zel leh a chak loh tial tial vangin film lama inhnamhnawih tum tawh lovin a chawlhsan fel tih an lo puang tawh.
Dementia natna hian Willis-a taksa a tibuai viau mai a, tawng a harsat chu thuhran, ruahmanna mumal pawh a siam hlei thei tawh lova, tihdamna emaw enkawl ngaihna awm bawk si loh vangin a natna lanchhuah dan hi a ni telin a hluar tial tial mai a ni.
He natna hi kum 60 hnuai lama hmuh tur a tam hle a, chhungkua ang pawha rilru mangang leh hrehawm taka an awm laia an mahni latna a, ngaihsaktu te bakah dam thuai tura duhsakna hlan tute chungah an lawm hle.
Thuchhuah an siamah chuan he tnatna hi tihdam theih loh leh enkawl tur pawha a ngaihna an la hria loh natna khirh tak a ni a, beiseina sang tak leh thui tak erawh an nei reng a ni, an ti.
Bruce Willis hi 1980s leh 90s chho vel khan a hre lo pawh an awm lo mai awm mange, tih khawpin a lar a. Mipa actor-ah huhang a gah fal hle.
Lemchan khawela film hit tak takah a inlan a; Die Hard, The Sixth Sense, Armageddon leh Pulp Fiction te phei chu lar miah miah tak an ni.