NBA champion lai Golden State Warriors chuan January 30 hnua a vawikhatna atan away inkhelah hnehna an chang a. 121-108 in Houston Rockets an hneh.
Thawhlehni zingah Golden State hian a zawna vawi 11 an zinchhuahna a an tlawm tawh chu an titawp a. League mawngphah lama awm Houston Rockets lakah an record duhawm lo an titawp.
Coach Steve Kerr hnuaiah away inkhela a zawna an tlawm rei ber a ni a. Hei mai hi ni lovin NBA champion ni lai ni chunga a zawna away inkhela tlawm rei ber dawttu an ni a. A zawna vawi 12 tlawm 1998-99 Chicago Bulls chiah anni aia tlawm zawn rei an awm.
Western Conference a parukna a awm mek Warriors hi anmahni court-ah an record tha viau in vawi 29 tun season-ah chak tawh mahse an khingpuite court-ah vawi 8 an chakna chauh a ni a. Anni aia chak tlem hi team insiksawi lai leh a mawng lama awm Rockets, San Antonio Spurs leh Detroit Pistons te chauh an ni.
Warriors chak nan veteran Steph Curry leh Klay Thompson te bawk an tangkai leh a. Curry hian point 30 score din Thompson-a’n 29 a score a. 3 points vawi nga ve ve lutin an pahnihin inkhel vawikhat a 3 points vawi nga ve ve an luh tlin tum 44-na a ni bawk.