Crystal Palace chuan an manager hlun, England manager hlui Roy Hodgson chu tun season tawp thlenga an club enkawl turin an lalut.
Hodgson hian Selhurst Park-ah hian kum 2021 July a amah thlaktu Patrick Vieira a thlak dawn a. French manager hi Zirtawpni khan a zawna vawi 12 chak hmel an hmuh loh hnuah ban a ni.
Kum 75 mi ni tawh Hodgson hian Watford hi kum 2022 January atanga May inkar khan a enkawl a. A hnuaiah hian Premier League-ah inhumhim thei lovin Championship-ah an tla thla.
Watford a chhuahsan hnuhnun ber hnu hian Premier League-ah manager hna a thawh leh a rin tawh loh thu a lo sawi tawh.
“Ka thinlung a hmun pawimawh tak chang club-ah kir leh tura sawm ka ni hi ka tan chuan thil hlu tak a ni.”
“Tuna kan tum ber chu kan hmabak inkhela hnehna chan chhoh a ni a, Premier League a kan tel zelna tura point hmuh a pawimawh.” a ti.