US pop star Taylor Swift-i’n mi nuai tam tak nghahhlelh Eras tour khuhhawnna a nei ta a, Arizona-a bultanna ah hian a zai laiin innei tura insawmna video chu tunlai hian nasa taka thehdarh niin, social media lamah chai a hlawh.
Video-a a lan danin, mipa pakhat hian a bialnu chu mipui lam hut hut zingah remchang chuhin a nupui atan a sawm hnap mai a, Taylor Swift hla, ‘Love Story’ play lai tak a ni nghe nghe.
A hla hit hmasa ber zinga mi a sak lai hian mipa hi thingthi in a kawppui chu pumkhat ni turin a sawm a, Taylor-i’n, ‘He knelt to the ground and pulled out a ring, and said, Marry me, Juliet’ tih a sak lai takin inneih zungbun a buntir.
He video hi a darh chak hle a, a bik takin Swift-i fan te zingah chai a hlawh fal a, tam takin lawmpuina an hlan rualin, sawisel tawk, tul ti lo leh over taka chetnaa ngaia umzui chiam pawh an tam.