Amritpal Singh Sandhu hi January 17, 1993-a piang niin mani hnam dah sang tak niin Indian Khalistan separatist an tih ang niin Sikh sakhaw thuhriltu nia inchhal a ni a, Punjab-a Waris Panjab De pawl hruaitu ber a ni bawk.
September, 2022 atang khan a hming hi hriat a hlawh tan a, Dubai atanga India hawin an pawl hruaitu, Deep Sidhu chu car chesuala a thih avangin an hruaitu ber a ni zui ta a ni.
Pakistan sorkara hnu chhui pawl, Inter-Services Intelligence leh firfiak pawl nen pawha inkungkaihna nei nia hriat a ni a. An pawl hian sipai pawh a hranin an nei nia sawi a ni a, thihchilh bomb tipuaktu tura an duan, ‘human bomb squads’ an tih pawh nei nia sawi a ni.
Singh-a naupan lai chanchin hi hriat tur a tam lo va, Jallupur Khera, Amritsar district-a cheng niin kum 2012 khan Dubai, UAE panin an chhungkaw sumdawnnaah a thawk ve tan a ni.
A Linked In profile-a a lan dan chuan University of Punjab atanga mechanical engineering zir chhuak a ni a; mahse, The Tribune chanchinbu chuan Lord Krishna Polytechnic College, Kapurthala-ah kum 2009 Diploma course zir turin a ziak lut ringawt a, a inzir chhuak lo niin an tar lang ve thung.