MZP hruaitu ten nimin khan Mizoram Lokayukta Cha- irman C. Lalsawta chu a pisa-ah hmuin, Mizorama eiruk dona tura din Mizoram Lokayukta din- hmun leh a kalhmang te an zawtfiah a, harsatna an tawh hrang hrangte an sawipui bawk.
Mizorama eiruk dona tura din Mizoram Lokayukta chuan beisei a phak rih lo nasa hle niin MZP hruaitute chuan an sawi a. Dana awm si, neih loh leh awm lo a tam nia sawiin, thubuai te chhui chiang tu tur enquiry wing an neih loh avangin harsatna lian tak an tawk mek nia sawiin, loh theihlohna avangin Mizoram sor- kar Agency ACB an hman avangin duh ang- in hnuchhui kawngah an chak lo nia an hriat thu MZP hruaitute chuan sawi. A rang thei ang bera enquiry wing din turin sorkar an ngen nghal.
MZP hruaitute chu- an Lokayukta-ah hian thawktu indaihlohna pawh a nasa hle nia sawiin, danin thawktu mi 93 awm tura a tih laiin thawktu mi 42 chauh an awm mek niin an sawi a. Tuna thawktu tam ber pawh department dang ami deputation a pawhch- awp leh contract basis deuh vek niin an sawi.
Tuna Lokayukta awm dan chu eiruk do tak tak tura beisei chi nia a lan loh thu MZP hruaitute chuan sawiin, ngaihsak an tul takzeta an hriat thu an sawi a. Mizoram sorkarin Lo- kayukta dan siamṭhat a tum mek nia an hriat thu leh he dan hi siamṭhat a nih pawhin a nih tur anga kalpui chu MZP dun dan a nih thu leh mi te ber atanga Chief Minister thlenga chhui thei tur leh eiruknaa inhnamhnawh tupawh hremna pe thei tura thuam chak an phut thu an sawi.
MZP chuan Mizorama eirukna leh lemhletna dona atan Mizo- ram-ah Lokayukta hm- an a nih theih nan kum 2012 aṭang khan hma an la tan tih sawiin, kum 2014-a Mizoram Lokayukta bill pass a nih pawh khan beiseina sang tak nen an thlir tih an sawi a. Kum 2019 aṭanga function a nih aṭangin beisei a phak tawklohna te pa- wh siamṭha turin Mizoram sorkar an ngen tih sawiin, a tul anga enzuiin hma an la zel dawn tih an sawi bawk.