Thawhtanni khan Aizawl West III bialtu MLA VL Zaithanzama’n a bial chhung – Khatla South, Nursery, Maubawk leh Mission Vengthlang-a thalaite infiamna hmun leh vantlang hmuna mipuite hman tur water cooler pali khawtlang hruaitute hnenah a hlan.
Hlanna inkhawmah thu sawiin VL Zaithanzama hian, “Mipuiten kan mamawh leh tangkai taka kan hman thin chu punkhawmna hmuna tui thianghlim in tur, awlsam taka in tura awm thin,” tia sawiin, heng veng palia water cooler dah thar tur pawh hi veng mipuiten tangkai taka hmang turin duhsakna a hlan.
Aizawl West III bialtu hian vantlang hmun hmate hi neitu rilru pua enkawl leh hman kawngah mipuiten hma an sawn nasat thu a sawi a. “Tangkai taka hman theih turin inpe thin mah ila, a enkawltuten kan zir loh chuan hnawksak leh vantlang tana hmun tawp siam belhna mai a ni fo thin,” tiin, a enkawl leh hman tangkai kawngah pawh vengdang entawn nih tum theuh turin a chah bawk.
Water cooler hi Mission Vengthlang YMA Inpui, Khatla South Community Centre, Nursery Govt. Middle School leh Maubawk Govt. Primary School 1-ah te dah tur a ni.