German playmaker Mesut Ozil chuan professional football khelh a chawlhsan thu Nilainikhan a puang.
Kum 34 mi midfielder hmuhnawm leh ball thiam Ozil hian club football-ah Real Madrid leh Arsenal tan te pawh khel tawhin club football-ah trophy pakua a la hman a. Heng zingah hian FA Cup vawi li telin La Liga title pawh a la tawh.
Germany tana vawi 92 inkhel tawh Ozil hi kum 2014 World Cup a an champion tuma player pawimawh a ni a. A chawlh thu hi social media kaltlang a puangin, “Zinkawng duhawm leh theihnghilh tawh loh tur a ni a, thil tam tak ka tawng. Kum 17 chhung professional football player ka ni thei hi ka vanneih a, ka tana kawng inhawng zawng zawngte avangin ka lawm hle.”
“Nimahsela, a bikin tunhnai thla engemaw zah chhungin, hliam in min tibuai thin a, heng zawng zawng karah hian football hmanga inelna khawvel hi ka chhuahsan a hun ve tawh tih a fiah telh telh a ni.” tiin a chawlh chhan a sawifiah.
Thiam bik Ozil
Ozil hian a pianna khawpui Gelsenkirchen khaw club Schalke tan professional football-ah bul a tan a, kum 2008 khan Werder Bremen chuan kum 19 mi lek niin Euro maktaduai 5 in an lalut.
Bremen-ah hian league lamah a club chetha lo mahse DFB Pokal-ah a champion pui thei a. UEFA Cup final an luhna kawngah a tangkai hle.
A chetthat avangin Germany in kum 2010 World Cup khel turin an kova, hetah hian khawvel hriatah a invawrh lar.
Real Madrid in nipui bazarah lalut nghal thuaiin an hnenah La Liga, Copa del Rey leh Spanish Super Cup te a chawi.
Kum 2013 September khan Arsenal chuan a hunlaia an player manto ber ni turin Pound maktaduai 42.4 in an lalut a, An hnenah hian FA Cup vawi li chawiin Player of the Season a thlan a ni bawk.
A vanglaia player fing leh ball thiam, che rang bawk niin tlarhmaah striker hnungah khawilaiah pawh a chhawr theih vek a. Midang goal khung tura hlauhawm siam thiam bik a ni.
Kum 2016 January khan Premier League chanchin a ‘assist ratio’ nei tha ber a ni a. A inkhelh zat nena lakin assist a ngah ber.
Kum 2018 khan Arsenal chanchin a player hlawh hnem ber a nih hnuah coach Unai Emery hnuaiah a tla tlum lova. A thlaktu Mikel Arteta lakah pawh tla tlum lovin Turkey lam pan tir a ni.
Sawi hlawh Ozil
Mual chhungah fak a hlawh a, pawn lamah sawi a hlawhna a awm zeuh zeuh bawk. Kum 2018 khan German ram hruaituten Turkey demna lam tawngkam an neih avang leh Turkish president Recep Tayyip Erdoğan thla a lakpui avangin sawisel a hlawh a. Inthliarna a awm nia ngaiin ram tana a inkhelh tawh loh tur thu a puang.
Arsenal a a huntawp lamah pawh chanchin neiin China rama Muslim te a thlawpna a tarlan avangin club-ah a tla na lo zual hle.
Club football record
Club Matches Goals Assists
Arsenal FC 254 44 79
Real Madrid 159 27 81
SV Werder Bremen 108 16 54
FC Schalke 04 39 1 5
Fenerbahce 37 9 3
Basaksehir FK 7 – –
Total 604 97 222
Germany tana a record
Matches Goals Assists
International Friendlies 30 5 10
World Cup qualification 20 9 10
World Cup 16 2 4
UEFA Euro qualifying 15 5 12
EURO 11 2 4
Total : 92 23 40
Team Honours:
Werder Bremen
DFB-Pokal: 2008–09; runner-up: 2009–10
UEFA Cup runner-up: 2008–09
Real Madrid
La Liga: 2011–12
Copa del Rey: 2010–11; runner-up: 2012–13
Supercopa de España: 2012
Arsenal
FA Cup: 2013–14, 2014–15, 2016–17, 2019–20
FA Community Shield: 2015
EFL Cup runner-up: 2017–18
UEFA Europa League runner-up: 2018–19
Germany U21
UEFA European Under-21 Championship: 2009
Germany
FIFA World Cup: 2014; third place: 2010
Individual Honours :
kicker Bundesliga Team of the Season: 2008–09
kicker Attacking Midfielder of the Year: 2010
Most assists in the Premier League: 2015–16
German Player of the Year: 2011, 2012, 2013, 2015, 2016
UEFA European Championship Team of the Tournament: 2012
UEFA Team of the Year: 2012, 2013
Laureus Media Award: 2014
PFA Fans Player of the Month: April, November & December 2015
German Football Ambassador Public Award: 2015
Arsenal Player of the Season: 2015–16
kicker Best German Abroad: 2016