Aizawl : Champhai Bawrhsap James Lalrinchhana’n sorkarin kum tling lova nupui/- pasal neih a ngaihmawh thu sawiin, India ram hmun dang te naupang kum tling lova inneihtir an awm thin chu dan phal loh a nih thu a sawi.
Kum tling lova inneih chungchanga inrawnkh- awmna nimina Champhaia neihah he thu hi Champhai Bawrhsap, Child marriage protection officer ni bawk James Lalrinchhana chuan a sawi a. Kum tling lova nupui/ pasal neih avanga harsatna thleng thin leh kum tling ngeia nupui/pasal neih thatna te inzirtir tam a pawimawh thu a sawi.
District program officer, Women & Child development department Lalrinmuana’n India rama hmalaknate khairual taka kalpui thin a nih avangin Mizoramah child marriage chungchanga hma- lakna pawh sorkar laipui duhdana kalpui a nih thu a sawi a. Sawm bik kal- khawmte chu tawnhriat nei tura ngaih an nih avangin inrawnkhawmna chu- an rah tha a chhuah ngei a beisei thu a sawi bawk.
Sokar dan dinglaiin dan anga innei thei tura kum a bithliah zat, mipa kum 21 leh hmeichhia kum 18 chin chu zawma kumtling ngeia inneihna kalpui tura hmalak dan tur te kalkhawmt te chuan an sawiho a. Kum tling lova inneihna titawp tura hma- lak theih dan tur hrang hra- ng an sawiho bawk a ni.