Ecuador-a chanchinbumite chuan dak atanga puak thei thawn hmangin beihna an tawk nasa hle.
Presenter pakhat, Lenin Artieda chuan lehkhaipa a thil dawn chu newsroom-ah hawngin a puak a, hliam a tuar.
Puak thei a dawn hi USB drive ang tak a nih thu leh a computer-a a vih luh chiahin a puak ta niin a sawi.
Ecuadorean attorney-general department chuan he thil hi a thlen ngei thu a nemnghet tawh a; mahse, eng chanchinbu ber nge beih a nih erawh a tar lang lo va. Ecuador-a chanchinbu panga vel chu puak thei hi thawn an nia hriat a ni.
Sorkar chuan beihna thleng hi a dem thu sawiin, miin thil sawi theihna zalenna a neih chu ‘zahsak tur’ a nih thu a sawi.
“Chanchinbute leh miin a duh sawi theihna zalenna a neih tihthaih tumna chu dawihzep taka thiltihna niin a titu chu dan angin a chungah hma lak a ni ang,” tiin thu a chhuah.
Interior Minister Juan Zapata chuan puak thei hi khaw pakhat atanga thawn vek niin a sawi a. Guayaquil-a chanchinbu pathum leh an khawpui, Quito-a pahnihah thawn a ni tih a sawi bawk.
Artieda-a chauh hi inhliam a awm a, a dang hi chu a puah loh bakah hawn lohte a ni.
Prosecutor-te chuan TC Television-a thawn pakhat chu fimkhur taka an tihpuah thu an sawi.
Ecuador-a forensic science hotu chuan ‘sipaite hmang ang puak thei’ zula siam a nih thu a sawi.
Ecuador-ah hian tharum thawhna a thleng nasa hle a, President Guillermo Lasso chuan ruihhlo tawlhtu mi sual pawlin ram chin an inchuhna avang a nih thu a sawi.
Andean ram hi an thenawm, Peru leh Colombia atanga cocaine tawlhna kalkawng ber niin tun hnai thla reilo te chhungin inthah leh mi sual rual chetna a pung nasa hle a ni.