India leh Bhutan inthian that lawmna kût anga an sawi mai thin, Gorsam Kora chu Arunachal Pradesh-a Zemithang, Gorsam Chorten Stupa-ah lawm a ni.
Zemithang khua hi Tawang district-a awm a ni a, India huam chhung, Tibet nena an inrinaa awm a ni a. Bhutan nen an inrina a ni bawk a. Dalai Lama 14-nain kum 1959-a Tibet a tlanchhuahsana a chawlhna hmasa ber a ni.
Gorsam Kora hi khawsak dan leh sakhaw thil pho lanna hun a ni a, India leh Bhutan-a mite an kal khawm thin a. March 18 atanga hmang tanin Thawhlehni khan a tawp a ni.
Feet 93-a sang Gorsam Chorten Stupa hi kum zabi 13-naa din kha niin Nepal-a Boudhanath Khasti Stupa anga siam a ni a. Gorzam Kora lai hian mi sang chuangin an tlawh thin a, kût hi lunar calendar-a thla hmasa bera ni hmasa ber hmanga neih thin a ni.
Kût hi Zemithang-a chengte leh sorkar thuneitute leh Indian Army tangkawpin an huaihawt a ni.
Kût hi His Eminence Padam Shree Thengtse Rinpoche kaihhruaia tawngtainaa bultanin Khinzemane thing thianghlimah tawngtai a ni bawk a. Khinzemane hi Dalai Lama 14-nain kum 1959-a a phun kha a ni.
Indian Army chuan kûtah hian thil hrang hrang pho chhuakin pipe band leh martial dance an entir bawk a. Tual chhung miten hnam lâm an entir bawk.
Sorkar laipuiin ‘Vibrant Village Program’ a buatsaih zulzuiin tual chhung mite hi ‘Plastic Free Zemithang’ tlan huaihawtsak an ni a, medical camp leh kea Zemithang Valley-a kalte huaihawt a ni bawk.
Kût hi biakzin tam tak bakah Bhutan, Tawang leh a bul hnaia Lama eng emaw zatin an chhim a ni.