Chinese President Xi-a’n Moscow a tlawh mek lai hian Japan Prime Minister Fumio Kishida chuan sawi lawk awm lutuk lovin Kyiv a tlawh ve chiah thung a, Indopui II-na hnua Ukraine rama Japan hruaitu lu zin leh hmasa ber a ni.
President Volodymyr Zelensky chuan May thlaa Japan-a G7 summit neih tur chu Kishida-a sawmna angin video link hmanga a tel tur thu a lo hrilh.
Kishida-a’n Ukraine a tlawh hi Thawhlehni hma taka a thlen hma zawng chuan venhimna thil avangin puan lawk a ni lo.
Prime Minister Kishida hi nikuma Russian sipaiten civil mi 100 chuang an thahna, Bucha-a thlanmualah kalin zahna pangpar a dah a, he khuaa insuatna rapthlak tak thleng chuan a tihthinrim tak zet thu a sawi a, a tuartute a tawrhpui thu a sawi bawk.