Aizawl : Minister C Lalrinsanga’n ram leh hnam humhalh a ngaihpawimawh thu sawiin, “hemi kawnga pawimawh ber chu mitinin mahni hna theuh taima taka kan thawha, intohdelh tura theitawp kan chhuah tlan hi a ni” a ti.
Sertlangpui Group YMA inkhawmpui S. Lungdai khuaa a hmanpuinaah he thu hi nimin khan C Lalrinsanga chuan a sawi a. Inkhawmpui thupui ‘Ram leh hnam humhalh’ chu thil pawimawh tak, mitin tanrualna atanga hlawhtling thei a nih thu a sawi.
C Lalrinsanga chuan “khawvel thang chho zelah leilung hausakna, thing leh mau te kan tichereu nasa a, tui hna kan tikang chat a, kan ram kan tihchhiat tawh siamtha leh turin theihtawpa tanlak a tul” a ti a. Hemi kawngah hian a enkawl Agriculture department hmalakna leh sorkar hmalakna hrang hrang te lo tawiawm turin YMA khawmpui palaite chu a sawm.
“Thalaite nun kha- wih buaitu ruihlo do kawngah nasa taka hmalak a ngai” tiin, C Lalrinsanga chuan zirna lamah pawh hmasawn tura theih- tawp chhuah turin YMA member kal- khawmte chu a chah a. Nupui pasal neih kawngah fimkhura, hnamdang nupui pasala nei lo tura a duh thu sawiin, rinawmna leh taimakna vawng nung zel turin a chah bawk.