Delhi Capitals chu India rama Women’s Premier League a final lut hmasa ber an ni a. UP Warriorz lakah wicket nga a hnehna changin WPL final an khel dawn.
Thawhlehni zan khan Brabourne Stadium-ah league inkhel hnuhnung hi khelh a ni a. Delhi in hnehna an chan avang hian point 12 hmu in Mumbai Indians nen an point inzat mahse net run-rate an neih that zawk avangin league-ah an sang ber a. Final khel turin an tling nghal.
Final-ah hian nizana Eliminator inkhela chak zawk an hmuak a. League a pahnihna leh pathumna hauhtu Mumbai leh UP Warriorz ten final luh an inchuh.
UP Warriorz in Australian all-rounder Tahlia McGrath-i run 58 siam avangin over 20 chhungin run 138 an siam a. Delhi tan Alice Capsey chuan wicket 3 a la.
UP in che tha Grace Harris aia an luhtir Shabnim Ismail che tha mahse Delhi tan Marizanne Kapp leh Capsey ten wicket li-naah partnership nghet tak an neih chu over 17.5 a hnehna an chan theihna lian tak a ni.