Aizawl : Nimin khan khawvel hmun hrang hrangah World Water Day an hmang a, Mizoramah pawh khawpui hrang hrangah he ni hi hmangin, tuihna humhalha, tuihna tipung zawnga hmalak tulna inzirtirna te neih a ni.
Champhai-ah chuan zing karah tui renchem leh tuihna humhalh pawimawhzia inzirtirna kawngzawh huaihawt a ni a. Champhai Bawrhsap-in khawvel pumah mamawh kha- wp tui dawng phalo mi maktaduai hnih vel an awm thu sawiin, Cha- mphaiah pawh tunhma lam ngaihtuahin tui hnate a tlem zel thu leh khawpui tui tlan ber khawchhak Tuipui hna leh tui luang zat pawh a tlem tial tial thu a sawi a. Tui harsatna awm chho mek kara Jal Jeevan Mission (JJM) hnuaia PHE department hmalakna hma- nga district chhung hmun hrang hranga tuilakna leh in tina tui pekna project kalpui a nih avanga lawmawm a tih thu a sawi bawk.
Champhai Bawrh- sap chuan tui, faina leh hriselna te chu nghet taka an inkungkaih tlat thu leh lakhran theih loh tluk an nih thu sawiin, tui thianghlim tel lovin faina a awm thei lova, faina tel lov- in hriselna a awm thei lo tih a sawi a. “Nakin zela kan tu leh fa lo la awm tur te tana chenna tlak ram nuam, mamawh khawp tui thianghlim awmna hmun kan hnutchhiah theih nan khawmuang tawh lovin tun atangin hma i la tlang ang u” a ti.
Tuihna siamtu ramngaw humhalh leh tui awmna hmunte humh- alh a tul thu bakah tui renchem a tul thu te, inzirtirna tam zawk neih a tul thu te Champhai Bawrhsap chuan a sawi a. World Water Day puala hun hman chuan tui leh tuihna humhalh a tul ziate, tui chu mihring bakah thi- ng leh mau leh nung- chate innghahna ber a nih avanga renchem a tul zia mipuite thinlungah a tuh ngei a beisei thu a sawi bawk.
EE PHED Er. ZD. Dengthuama’n sik leh sa inthlak danglam nasa tak avanga khaw- vel hmun hrang hrangah tui indaihlohna a thlen nasat thu sawiin, “van ruahtui tla kan la dawng thin hi kan vanneihna a ni”, a ti a. “Tui hna humhalh kawngah tih theih kan neih vek avangin mimal tin atanga intan, a bulthum atanga hmalak kan ngaihpawimawh tlan a tul hle a ni”, a ti.
Kum 1992-a United Nations General Assembly-in khawvelah tui duhkhawp leh thianghlim a awm zel theih nan tui awm sa te awmze neia hman a tul zia leh, chumi kawnga mi zawng zawng lungrual taka an thawhho theihna turin March ni 22 chu World Water Day atan a ruat a, kum 1993 atang khan khawvel pum huapin he ni hi hman tan a ni.