Rimawi khawvela rock icon leh veteran lar ni bawk KISS chanchin tarlanna fim chu 2024 kumthar hian Netflix-ah tihchhuah a ni ang.
Band manager Doc McGhee chuan The Rock Experience nen an inkawmnaah kum eng emaw chen kalta atang tawha an lo ruahman leh beiseina chuan a tak ram a hnaih ta hle, a ti a, kumthara Netflix kaltalnga tihchhuah tumin an phe vut vut tawh niin a sawi bawk.
“KISS band anga a tir lam kum 4 chhung an chanchin tarlanna a ni deuh ber dawn a, tunah hian buaipui mup mup a ni tawh. Hma kan sawn viau mai a, ruahmanna ang chuan kum thar 2024 hian Netflix-ah KISS band chanchin tarlanna film hi hmehchhuah theih a ni ang,” a ti a ni.