Los Angeles Lakers in NBA Playoffs khel tura beiseina an neih chu an la tinung zel a. Phoenix Suns lakah 122-111 a hnehna changin tunhnaia an ngam loh fo team laka an tlawm zawn kaltluang chu an titawp.
Lakers hian an court crypto.com Arena-ah a zawna vawi ruk an hneh loh tawh Suns laka an record duhawm lo kallai chu an titawp a. An inkhel erawhin sawisel a hlawh.
Inkhelh laia a thlengtu team in free throw an hmu hnem bik lutuk chu Phoenix Suns lam an lawm lova. Lakers in vawi 46 an hmuh laiin Suns in vawi 20 chiah an hmu a, a tawpah point 21 laiin Lakers in free throw atang point an hmu hnem zawk.
Inkhel zawhah Suns coach Monty Williams chu lungawi lo hle in press conference-ah pawh zawhna pakhat chauh a chhang a, a zawhna chhan chhunah hian referee a sawisel. “Eng inkhelah nge team pakhat chauh hnena free throw vawi 46 an pek thin in hre ngai em? Hei hi thil dik a ni lo.”
Engti pawhin lo ngai ula keichuan ka pawi ti lo, mahse he thil hi kan chungah a thleng ngun lutuk. Team dangte pawhin ball inchuhin nasa taka tharum nena inban bawrh bawrh te, player te sut pawp pawp te pawh an nei. Keimahni chauh hi foul ham a ni leh thin. Ka ning tak tak zet.” tiin a sawisel nasa hle.
Inkhelah hian Lakers tan Anthony Davis chuan point 27 leh rebound vawi 9 a nei a. Defense an khelhna kawnga lungpui a ni.
Austin Reaves leh D’Angelo Russell ten point 25 leh 26 in an thlawp ve bawk.
Suns tan hian Devin Booker chuan point 33 score in an team tana point score hnem ber a ni.