K-pop star Chaeyoung chuan Swastika lem chuanna t-shirt a hak vanga nasa taka sawisel a tawh hnu-ah ngaihdam a dil.
TWICE band member ni bawk hian tunhnai mai khan Sex Pistols bassist Sid Vicious-a’n swastika logo a hakna lem chuanna ti-shirt a ha a, kum 23 mi hian a thil hak awmzia hi a hre reng em, tih leh hrereng chunga tilui nia puhna a riring nghal hle. Pawi taa chu, Swastika lem chuanna t-shirt nen follower maktaduai 8.6 awmna ama instagram acoount-ah a phochhuak ta kha a ni.
Thlalak dah fuh fuh viauah a inngai hman mai thei a, mahse kar lovah sawiselna, diriamna leh tawngkam mawi lo, bawlhhlhawlh tak taka umzui a tawk hlauh thung a, social media-ah na taka beih a tawk ziui nghal.
Chaeyoung chuan ngawih mai mai a hun lo tih hriain, a thil tih fuh lo leh dik loh chungchangah ngaihdam a dil. “A nihna takah chuan ka kaw hak-a swakstika lem lo lang kha a chhan leh awmzia ka hre lo. Ngaihtuah chiang hmasa miah lova ka lo ha ve ngawt kha a pawi ka ti a, ngaihdam ka dil. Ka kawr hak vanga rirlu na leh hrehawm te chungah pawh thupha ka chawi. Tun hnu ah chuan heti ang thil a thlen tawh lohna turin ngaihtuahna fim tak nen fimkhur takin ka ti tawh ang,” a ti.
Swastika hi Kross lem hawina lam inang vek a ni a, indopui pahnihnaah khan Nazi ho khan rim takin an hmang a, an logo langsar leh lar tak a ni.