Aizawl : Congress thalai (MPYCC)-in Zoram Medical College (ZMC) building sak thara tui put siamthat nghal an phut.
MPYCC chuan ZMC, Falkawna building sak tharah ruahsur avanga tui nasa taka a put thu sawiin, a rang thei ang bera siamtha turin thuneitute an phut a. “Kan ram rohlu medical college hi uluk leh tha taka enkawl turin Mizoram sorkar kan phut a ni” an ti.
ZMC chu harsatna tam tak sutlanga Congress sorkarin MIMER (Mizoram Institute of Medical Education and Research) tih hming pua a lo din a nih thu Congress thalai chuan sawi- in, Mizoram tana a hlut zia leh a tangkai zia pawh a takin a lang zel tih an sawi a. “Ar leh kel vulhna tawk leka chhuahtu MNF sorkar hian Covid19 hripui kha MIMER hi awm ta lo se a mualpho phah nasa dawn hle a, hripui kan tawrh laia kan innghahna damdawi in a ni” an ti.
Congress party-in sorkarna an chelh leh hunah tun aia chang- tlung leh changkang zawkin ZMC chu an thuam leh dawn niin Congress thalai chuan an sawi bawk.