Bayern Munich chuan an manager Julian Nagelsmann chu Ningani zan khan an ban a. Chelsea coach hlui Thomas Tuchel chu a thlaktu atan lakluh an tum.
Tuchel hian tunkarah contract a ziak fel anga, kum 2025 thleng Bundesliga club-ah hian contract a ziak dawn niin an sawi.
Bayern chauh hi ngaihventu a neih an ni lova, Tottenham pawhin an coach Antonio Conte hma hun chian loh avangin a thlaktu turin an lo be tawh.
Kum 2021 April khan Nagelsmann hian Bayern Munich hi RB Leipzig atangin a zawm a. Hansi Flick thlakin season liamta khan a zawna an Bundesliga title 10-na a lakpui.
UEFA Champions League-ah tun season-ah quarter-final lut mahse Bayern hi kumdang aiin tualchhung inelna lamah an che tha lo.
Bundesliga-ah Borussia Dortmund lakah point khatin an hniam zawk a, pathumna a awm Union Berlin aiin point li chauhin an sang.
Pathianni khan Bayer Leverkusen lakah 2-1 in an tlawm a. League a an hmahruaina an hloh a ni.
Tuchel hian Bayern hi a enkawl dawn a nih chuan a hnuaia inkhel an hmachhawn hmasak ber chu ‘Der Klassiker” a ni dawn a, a team hlui Borussia Dortmund chu April 1-ah a hmachhawn nghal dawn.