Aizawl: Chief Minister Zoramthanga hoin nimin chawhnu khan CM Conference Hall-ah April 1, 2023-a Union Home Minister Amit Shah lo kal tur chungchanga thu rel ngai pawimawhte sawiho a ni.
Union home minister hi Zokhawsanga Assam Rifles hmun a hawn tur bakah Laldenga Cultural Centre sak tur lungphum phum tura ruahman a ni a. Heng bakah hian sorkar hmalakna thenkhat hawn leh lungphum phum tur dang ruahman a ni bawk.
Hemi pual inkhawm hi lammuala neih tura ruahman a ni a. Nimina meeting-ah hian programme neihna tur hmunhma siam dan tur te, venhimna leh thu pawimawh dangte sawiho a ni.
Meeting-ah hian Chief Secretary Dr. Renu Sharma, DGP Devesh Chandra Srivastava leh sorkar department hotu pawimawh dangte an tel.