Aizawl : Lawngtlai Sub-Hqrs. MSTA leh Lawngtlai Gen. Hqrs., PSTA te ṭangkawp hmalaknaa sak, Lawng- tlai College Venga Zirtirtute Khualbuk, (Tea- chers’ Inn) chu nimin khan Mizoram Legislative Assembly De- puty Speaker H. Biakzauva’n a hawng.
Lawngtlaia Zirtirtute Khualbuk hi Rs nuai 150 senga sak niin, chhawng li-a sak a ni a. February 2021 aṭanga a sak hna ṭanin, March 2023-ah sak zawh a ni.
Sorkar thuchhuahin a tarlan danin Zirtirtute Khualbuk sa tur hian MSTA leh PSTA chuan a hrang ve vea hmalain, PSTA te hma- lakna bulṭanpui nan a hun laia Lawngtlai East Bialtu MLA H. Zothangliana’n Rs nuai 2 a pe a. Hemi hnu hian MSTA leh PSTA chuan Joint action committee dina hma la dunin, Rs nuai 15 ve ve an thawh a. Lawngtlai College Vengah a hmun tur Rs. nuai 30-a an lei hnuah January ni 20, 2021 khan Lawngtlai East bialtu MLA H. Biakzauva’n a lungphum phumin, bulṭan nan Rs nuai 5 a pe a. MSTA leh PSTA member tinin thla tin Rs 400 ṭheuh thawh bawkin hma an la chhunzawm zel a. A satu engineer-te nena inremna angin, a satu ten anmahni sum senga sain, MSTA-PSTA-in thla tin Rs nuai 4-in an rul a ni.
H. Biakzauva chu- an Zirtirtute Khualbuk lungphum chu amah ngeiin a phum thu leh hun reilote hnua hawn theiha peih a ni leh amah ngeiin a hawng leh thei chu lawmawm a tih thu a sawi a. Mizoramah Zirtirtute Khualbuk nei thei khawpui an la tam loh laia Lawngtlaiin a nei thei chu district tan pawh mellung pawimawh leh hmasawnna chhuanawm nia a hriat thu a sawi.
Mahni insengsova hmalatu Middle school teachers’ association (MSTA) leh Primary school teachers’ association (PSTA) te chu fakawm a tih thu pawh a sawi a. Zirtirtute chu midangte thiamna pe chhuaktu leh mihring chhertu an nih avangin an hna pawh hna zahawm leh hna pawimawh tak a nih thu a sawi bawk.