India rama thlawhna khalhtu (pilot) zawng zawng zinga 15% zet chu hmeichhia an ni a, khawvel pum dinhmunah pilot zinga 5% chauh hmeichhia an nih avangin India-ah hian khawvel dinhmun aiin a let thum zetin an tam zawk tih Ningania report tihchhuahah tar lan a ni.
Sorkarin report a tihchhuah tharah hian sorkarin hmeichhiate tan pilot an nih theihna tur special programme buatsaih a nei lo tih tar lan a ni a, hnam hnufual zawkte tan hetiang ruahmanna kalpui a nei lo bawk.
India-ah hian ram dang mi pilot 67 awmin air operator hrang hrang hnuaiah an thawk mek nia tar lan a ni.
Indian scheduled airline hrang hrang atanga data lak khawm atanga a lan dan chuan kum 2021 khan pilot 244 lar thar an awm a, report-ah hian kum nga lo awm leh tur chhung hian India hian kum tin pilot 1,000 zel lak a mamawh dawn nia tar lan a ni bawk.
Sumdawng thlawhna khalh theih mamawhna hi kawng hrang hrangah a sang zel dawn nia tar lan a ni a. Airline-te an that zel nan te, an inzar pharh zelna atan leh thlawhna sumdawnna a len telh telh dawn vang niin tar lan a ni.
Directorate General of Civil Aviation (DGCA)-in a tar lan dan chuan India-ah hian pilot 10,000 vel thawk lai awm mekin an zingah hian ram mi 67, airline hrang hranga thawk an tel.
Report tihchhuah tharah hian DGCA-in a pawm Flight Training Organisation (FTO) 35 aawm mek a, hmun 53-ah hengho hi an inbun a ni.