Los Angeles Lakers star LeBron James chuan hliam vanga a chawlh chu a tawp hnai a. Season tawp lamah Lakers inkhel thenkhat a la hmachhawn theih a inbeisei niin an sawi.
James hian February 26 khan Dallas nen an inkhelh tumin a ke a ti na a. Hun engemaw chen a chawlh hnuah tunah hian court pangngai a practice a nei leh thei tan tawh tih Lakers chuan an sawi.
Lakers in regular season a an game khelh tur hnuhnung pathum hi April 5, 7 leh 9-ahte a ni a. Hetah hian James hi a inkhelh hman an la beisei mek.
James hian social media kaltlangin a inkhelh leh hunah tha taka a khelh lehnghal theihna turin ni khatah vawi thum ‘work out’ a neih thin thu a sawi.
Lakers hi tunah West-ah 10-na an ni mek.