Maharashtra MLA Bachchu Kadu chuan ui chungchanga a thil sawi avangin Assam Chief Minister Dr Himanta Biswa Sarma hnenah ngaihdam a dil ta.
Maharashtra Chief Minister Eknath Shinde pawhin Sarma hnen atanga lehkha a dawn hnuah Assam hnenah hian Kadu-an an state rorelna ina thil a sawi avang hian ngaihdam a dil bawk.
Prahar Janshakti Party hruaitu, Achalpur bialtu independent MLA Kadu hian March 4 khan an state assembly-ah Maharashtra-a khawlaia uite chu Assam-ah ei atan an duh a, thawn vek se a ni mai tiin a sawi a ni.
Kadu-a hi Uddhav Thackeray-a kaihhruai Maha Vikas Aghadi (MVA) sorkarah khan minister of state niin school education a lo enkawl tawh thin.
Assam chief minister hian Shinde hnenah lehkha thawnin an MLA pakhat thil sawi chuan Assam mite rilru a tina a, a thusawi hnuk kir leh tura ti turin a ngen a ni.
Kadu lakah hian Assam-ah chuan police hnenah thubuai tam tak thlen a ni a, pawl leh mi mal eng emaw zatin a lakah duh lohna an lantir bawk.