Kum kalta 2022 chhung khan Ma- mit district-ah TB natna vei mi 49 awmin, an zinga mi 47 te chu enkawl dam tawh an ni a, pakhatin nunna chan- in, damdawi la ei zawm ngai pakhat a awm.
World TB Day, nimina Mamita hmannaa Senior Treatment Supervisor Vansangliana’n a sawi danin, Mamit district-ah kuminah TB vei hmuhchhuah, enkawl mek mi 14 awmin, an zinga mi 2 te chu HIV hrik pai tel an ni.
Mamita World TB Day hmanpuitu Mamit CMO Dr. Zothan- khuma Chhakchhuak chuan “Natna inkaichhawn theih chi hrang hrangin min tibuai a, chung zinga pakhat TB natna phei chu natna rei tawh tak niin, mi tam takin an thihpui tawh a ni” a ti a. India ram chu TB vei tamna ram a nih thu sawiin, TB vei zaa 40 chu taksa chak loh vang a nih thu leh taksa hriselna vawnthat a tul thu a sawi.
Dr. Zothankhuma Chhakchhuak chuan TB vei te chu hmun thengthaw nuamah kh- aw pawnah te an awm tir thin a, tunah chuan mahni inchhungkhurah ngei damdawi nen inenkawl theih a ni ta- wh” a ti a. Mamit districtin TB umbo kaw- nga hmasawn tuma hma an lak mek thu sawiin, TB Ambassador nih tum vek tur leh midangte hnena hrilsel na lam zirtirtu ni theuh turin kalkhawmte a chah bawk