Aizawl : Saituala sorkar department hrang hrang hotute leh khawtlang leh kohhran hruaitute chu nimin khan bialtu MLA, Minister R Lalzirliana hovin an thukhawm a. Kum 2026-a Saitual-in KTP inkhawmpui lian a thlen tur atana inbuatsaih chungchang leh faina kawnga hmasawn dan tur te leh pawimawh dang te an sawiho.
He thutkhawmnah hian Department hrang hrang hotute chuan an department mamawh te Minister hnenah hian thlenin, hmalakpui turin an ngen hlawm.
Minister R Lalzirliana chuan Ningani khan Saituala District Fisheries Development Officer (DFDO) office pawh a hawng a. Saitual district-in reilote chhungin hma a sawn nasa hle nia sawiin, inkalpawhna kawng tha leh awlsam zawk te, mipuiin tui an hnianghnar ta te chu lawmawm a tih thu a sawi a. Sorkar hnatha- wk leh khawtlang hruaitu ten mipui rawngbawltu an nih an inhriat chian a pawimawh thu sawiin, mimala sum duh leh sum it lutuk te tih loh tawp tur a nih thu a sawi.
Saituala DFDO office hawnnaa tel Fisheries Minister K Lalrinliana pawhin Mizorama lui lian te humhalh a nih chuan lui lam sa ah intodelh na tham tharchhuah theih a nih thu a sawi a. Sangha chu uluk taka enkawla, tha taka chaw pek an nih chuan an thang duh hle tih sawiin, sum tha- whchhuah kawngah Va- wk leh Bawng vulh aia a hlawk loh na tur a awm loh thu a sawi bawk.