Aizawl : Kum 13 atanga kum 15 inkar te vaihlo ti dan zirchianna Global youth tobacco survey (GYTS) India, 2019 report-a a lan danin Mizoram leh Arunachal Pradesh chu kum 13-15 inkar vaihlo ti thin tam berna state niin, zaa 57.9 te chu vaihlo (tobacco products) lakah an fihlimlo.
Lunglei district level coordination committee (DLCC) chuan kum naupangte atanga vaihlo ti tan an tam chu veiawm tiin, school leh kohhran te nena tangkawpa hmalak an rel a. School leh College-te pawh an program hrang hrang hmannaah anti tobacco awareness program kalpui tel thin tura tiin, hemi kawngah hian Principal-te leh School Education hotute hma la turin an ngen.
Civil hospital Lunglei OPD-a Tobacco Cessation Clinic chu kum 2022-23 chhungin mi 319 (mipa 172, hmeichhia 147) vaihlo nghei duh ten an pan a, an zinga mi 137 (mipa 68, hmeichhia 69) te chuan vaihlo an ng- hei thei niin, DLCC chuan an sawi bawk.