Ulitimate Fighting Championship chuan June 3 a inelna a buatsaih turah middleweight main event-ah Jack Hermansson leh Brendan Allen te a intum tir dawn.
UFC hian an main event tur hi la puangzar lo mahse an inhmachhawn theihna turin engkim a ti fel tawh nia ngaih a ni a. Fighter pahnihte nen hian inremna nei vek tawhin a neihna hmun tur erawh puan a la ni lo.
23-8 MMA record nen Swedish fighter Hermansson hian December thla khan Roman Dolidze a hneh lova. A tlawm hnuah hian thawh lehnghal turin 185 pound huangah a dinhmun siamthat a tum.
Tunhnaia a inlan hnuhnung pasarih atangin vawi 3 chak in vawi li a tlawm a, nimahsela a khingpuite hi amah aia rank sang leh fighter tha te an ni fur hlawm.
Kum 27 mi Allen hi 21-5 record nei a ni ve thung a. Middleweight rankings-ah 12-na niin tunhnaia fighter hmasawn chak pawl a ni.
Tunhnaia a inlan hnuhnung pasarih atangin vawi ruk a chak a. A inlan hnuhnun berah February thla khan Andre Muniz chu round thumnaah submission hmangin a hneh a. Hemi tum hian a vawi hnihna atan Performance of the Night lawmman la in 185 pounds a fighter hmuhnawm ber pawl a ni.