Aizawl: Inrinni khan Chief Minister Zoramthanga’n NHIDCL-in National Highway No. 6 kawng an siam mekte a enfiah.
Ni hnih cham tura Champhai a panna kawngah chief minister hian National Highway-6 kawng siam hna kal mek zawhin a enfiah a, kawng awmsa lai zaua siam thatte bakah kawng thar hlak, Dulte junction atanga Tuichang pawhtu te, Khawzawl atanga Champhai panna kawng thar te a zawh a; Dulte atanga Champhai (NH 6) package I siamtu contractor, Dhariwal Buildtech Limited (DBL) leh NHIDCL aiawhten an hmalakna an lo sawipui.
Champhai Circuit House-ah chief minister hi Champhai South bialtu MLA TJ Lalnuntluanga leh Champhai North bialtu MLA Dr ZR Thiamsanga, Champhai Bawrhsap James Lalrinchhana leh Champhai SP Lalrinpuia Varte te bakah sorkar department hotute leh khawtlang hruaituten an lo hmuak a ni.