Congress mite chuan MP atanga an hruaitu hnawl a nih duh lohna hi Inrinni khan ram chhunga khawpui hrang hrangah an lantir hlawm a, liantham taka inhawr khawmna erawh a awm lo nia hriat a ni.
Gandhi-a hi Congress party-in an hmatheh ber a ni a, an party hi Indian politics-a hnuhma ngah ber an ni a; mahse, tun hnaiah an tlahniam a, insiam that tumin an bei nasa hle.
India-a politics chhungkaw inthlah kal zela a pui bera mi niin prime minister hlui fapa, tu leh tu chhawng nih a kawp a. Politics-a an chhungkaw thlah kal zel hi Britain laia India-in zalenna a sual laia hruaitu, prime minister hmasa ber ni zui ta, Jawaharlal Nehru atanga intan tawh kha a ni.
Tun hnaiah erawh Modi-a telna, BJP an ngam lo thei hle a, Hindu sakhua nena inzawmna nghet tak nei party hi Hindu tamna ramah an thawm a ring hle.
Parliament rorelna in hniha a hniam zawk, Lok Sabha chuan Zirtawpni khan Gandhi-a hi member atangin a hnawl a, a hma ni chiahin mi tihhmingchhiat thubuaiah court-in hremna a pe a ni.
Gandhi-a’n hremna a tawrh hi kum 2019-a thil thleng tawh kal zel niin Karnataka assembly inthlan laia ‘engvangin nge rukrute hian hming inang, Modi tih an put zel?’ tia a sawi chu Modi tih hmingpute tihhmingchhiatnaa ngaih a ni.
A hma lawka ram inthlanpuiah hnehna changtu, prime minister a sawi chhan ber nia ngaih a ni.
Rorel lai lamtangte chuan Modi-a tih hmingpu zawng zawng anga ngaihsakin an bei ta a ni.
Gandhi-a hi Ningani khan kum hnih lung in tang tura hrem a ni ta a, bail-a chhuah nghal erawh niin court sang zawkah ngaihtuah turin a ti dawn tih a dan hre mi chuan a sawi.