Aizawl : BJP thalaiin ZPM Leader Lalduhoma chu Mara district council (MADC) hnuaia VC inthlan lo awm tur atana Siaha-a a campaign-na ah BJP chungchang diklo taka sawiah an puh a. BJP chu ZPM hming behchhana campaign-ah a puh niin an sawi.
Lalduhoma’n BJP te ZPM hming behchhana campaign-a a puhna chu thu diklo a nih thu BJP thalai chuan an sawi a. “ADC huam chhunga mi leh sa pawh nei lo an nih hre lova, party lian ber emaw inti a, thudik hrula thusawi a ching hi a pawi kan ti” an ti.
Lalduhoma chu Prime Minister scheme hrang hrang te behchhana thingtlang mi te bum thinah an puhlet a. “FPO kaltlanga BJP-in thingtlang kuthnathawktute hamthatna PM scheme tha tak kan neih te ZPM party hmalakna tur ang hrima mipui hma a sawi sawi ve tawh lo turin kan ngen” BJP thalai chuan an ti.
BJP thalai chuan “mahnia thawhchhuah nei lo Mizoram hian central puihna lo chuan engmah kan ti thei tak tak lo tih hi Mizoram mipuite hian kan hre chiang a, Pu Lalduho- ma’n a zuk belhbul ber West Bengal-a sorkar lai Mamata Bannerji kaihhruai hian Mizoram hi chengkhat mahin min pui lovang tih hi Mizoram mipuite hian kan hria a ni” an a. “BJP hian ZPM hming lama campaign na kan nei a nih chuan kan neihna hmun leh khua te sawi chiang turin ZPM MLA neih chhun Pu Lalduhoma hi kan phut a ni” an ti bawk.