Civil Aviation Authority of Nepal (CAAN) chuan an hnuai air traffic controller department-a thawk mi pathum chu ‘an fimkhur loh’ avangin an hna atangin an chawlhtir tih an thupuangtu, Jagannath Niroula chuan a sawi.
Zirtawpni tukah khan Nepal Airlines thlawhna Airbus A-320, Kuala Lumpur, Malaysia atanga Kathmandu-a tum tur leh Air India thlawhna, New Delhi atanga Kathmandu-a tum tur chu an insu tep a ni.
Air India thlawhna hi feet 19,000-a sanga a thlawh laiin Nepal Airlines thlawhna hi feet 15,000-a sangah awmin an awmhmun hi a inang chiah a ni tih Niroula chuan a sawi.
Radar atanga a lan dan chuan thlawhna pahnih hi an insu thuak a, Nepal Airlines tlthlawhna hi pakhat zawk aia feet 7,000 vel chauhva hniamah a thlawk a ni.
Civil Aviation Authority chuan a chhui tur mi pathum awmna committee a din a. CAAN chuan hetih laia control room-a duty officer pathum an hrem ta a ni.
Air India atangin he thil thleng hi sawi a la awm miah lo thung.