- Ruata
Kum 40 tlin lawmna atan Maruti Suzuki chuan an Arena range-a Black Edition an tichhuak dawn a, tunah hian Maruti Brezza leh Ertiga Black Edition te chu India rama dealership hrang hrangah an phochhuak tan tawh.
Black edition lirthei zingah hian Alto K10, Celerio, WagonR, Swift, Dzire, Brezza leh Ertiga te pawh an tel a. All Black editions hi Pearl Midnight Black color scheme thar hmanga siam a ni. Tunah chuan Maruti Brezza leh Ertiga Black Editions te chu ram puma dealership-ah an thleng tan tawh a. Tun hnaiah heng lirthei model pahnih -ah hi chuan ZXi trim-ah black edition hi kan hmu tawh a ni.
Maruti Suzuki Black Edition package-ah hian cheina hrang hrang bakah cushion, seat cover, charger leh vacuum cleaner te a awm a. He package hnuaia lirtheite hi aman pangngai atangin Rs 14,990 atanga Rs 35,990 vel bawr thlengin a to belh dawn a. Maruti Brezza Black Edition leh Maruti Ertiga Black Edition-ah hian thil danglam liantham a awm lem lo a ni.
A kentel hrang hrangah chuan Brezza ZXi hian SmartPlay Pro+ 9 inch touchscreen infotainment system, Arkamys surround sound system, wireless charging, height adjustable front seat belt, 360 degree camera, Head-Up display, Suzuki Connect connected car tech, leather wrapped steering wheel, ambient lighting, leather wrapped steering wheel, illumination glovebox, hnung lama fast charging USB slot (Type A leh C), auto folding wing mirror, hmalam fog lamp leh 16-inch dual tone alloy wheel te a a nei a ni.
Maruti Ertiga ZXi-ah thung chuan 7.0-inch touchscreen infotainment system Apple CarPlay leh Android Auto connectivity nei, 6-speaker audio system, height adjustable driver’s seat, dashboard leh kawngkhar-a faux wood trim, push start/stop button, rear defogger, automatic AC unit, hmalam center sliding armrest, hnunglam wiper leh washer, chrome tailgate garnish, dual-tone 16-inch alloy wheel leh hmalam fog lamp te a awm bawk.
A khawl lamah chuan Maruti Brezza Black Edition hian 1.5L petrol engine a nei a, hei hi 103bhp power leh 138Nm torque pechhuak thei a ni. Maruti Ertiga Black Edition-ah hian 1.5L K15C SHVS petrol khawl kan hmu bawk a, 102bhp power leh 136.8Nm torque a pe chhuak thei a ni. Model pahnih hi CNG (Compressed Natural Gas) hmang pawh duhthlan tur a awm a ni. Transmission thlan tur lamah chuan 5-speed manual leh 6-speed automatic gearbox a awm a ni.
Lirthei company hrang hrang hian hming chi hrang hrang vuahin an lirtheiah rawng dum hlang (black edition) hi an tichhuak nasa khawp mai a. Ramchhung lirthei company hlun leh lian, Maruti Suzuki-ah pawh kan hmu ve leh dawn a ni a. An kum 40 tlin pual hian lirthei thar mawi tak tak an lirthei model hrang hrangah kan hmu chho dawn a ni a, a nghahhlelhawm viau a ni.