Naga lam mite ni ngeia rin, tute nge an nih hriat lohten Assam-Nagaland ramri-ah Assam-a Mariani MLA Rupjyoti Kurmi an kap hlum tep.
Congress MLA Kurmi hi Jorhat district-a Disai Valley Reserve Forest, state pahnih an inrina lai a tlawh laiin silaia kah a ni a, a him hlauh va. A kaptute hi tute nge an nih hriat an la ni lo.
Helai reserve forest huam chhung hi state pahnihin an ram chin nia ngaia an inchuh reng ram niin tun hnai lawk, Assam assembly inthlan hma lawk pawh khan an intibuai deuh nghe nghe.
Mariani MLA Kurmi pawh hian an dinhmunte enchianga boruak thlithlai turin a tlawh a ni.
Police chuan MLA hi kah fuh a ni lo hlauh va, a him tih sawiin Assam Police Battalion venhimna hnuaiah hmun himah kalpui a ni tawh tih an sawi.
Silai puak hi chhui zui nghal a ni a, venhimna pawh khauh taka kalpui nghal a ni.