AZL: New Delhi-a National Sports Conclave neih mekah Sports Minister Robert Romawia Royte chuan hmarchhaka cheng mihring chu India mipui atanga chhutin zaa 3.3 chauh ni mah se infiamna kawngah an thawhhlawk thu a sawi.
Sport minister hian hmarchhak state-a cheng mihringte hi tam lo mah se infiamna kawngah an thawkhlawk hle nia sawiin tunah hian I-League-a player zaa 40 chu hmarchhak mi niin, ISL player zinga zaa 30 an nih bawk thu a sawi.
Robert Romawia Royte hian hmarchhak state-ten talent nei tha mah se infrastructure a la neih that tawk loh avangin talent hai chhuah loh a tam a rin thu a sawi a. Mizoram sorkarin sports hmasawnna atan infiamna chu industry nihna pek a nih thu te a sawi a. Central sorkar piah lamah private company-te pawh Mizoram infiamna atana thawhpuiah a sawm bawk.