Deputy Chief Minister, SEDP Executive Board Chairman Tawnluia’n Family oriented SEDP phase 2 atan beneficiary 60000 dang thlang leh tura ruahmanna siam fel a nih tawh thu a sawi a. Phase 2 atan hian Rs. vaibelchhe 300 dah a nih thu leh August ni 30 ral hmaa tanpuina 2nd instalment sum pek tlak vek tur a nih thu a sawi.
SEDP Executive Board thutkhawmah he thu hi nimin khan Dy. Chief Minister, SEDP Executive Board Cha- irman ni bawk chuan a sawi a. Phase I-a beneficiary tam zawk te pawhin tanpuina sum second instalment Rs. 25,000 theuh an account-ah an dawng mek nia sawiin, sum renchem a ngaih avangin phase 2-a administrative cost tihhniam rawtnate a awm thu leh thil tul tak nia a ngaih thu a sawi.
He thutkhawmah hian SEDP Implementing department-te, District level SEDP com- mittee-te leh Local/ Village level SEDP committee-te tana SE- DP phase 2-a administrative cost tihniam rawtna chu an pawm a. Phase 2 kalpui dan tur duan chin te pawh an thlir ho bawk.
Sorkar thuchhuahin a tarlan danin Family Oriented SEDP phase 1-ah hian beneficiary 60000 awmin, benefiary tin te hnenah Rs. 50,000 pek tura ruahman a ni a, vawikhatna pe nghal vek lovin 1st instalment-ah Rs. 25, 000 pek niin, hei hi an dawng kim vek tawh a, 2nd instalment Rs. 25,000 pawh beneficiary tam zawk ten an dawng leh mek.
Second phase-ah pawh beneficiary 60000 dang thlan an ni leh dawn a, anni pawh hian tanpuina sum dawn tura ruahman Rs. 50,0 00 chu instalment hnihin an dawng dawn tih sorkar thuchhuah chu- an a tarlang bawk a ni.