Mipa tennis world number one Carlos Alcaraz chuan Miami Open round of 16 lut turin harsatna a tawk lova, Dusan Lajovic lakah hnehna a chang.
Spanish rawlthar kum 19 mi hi Miami-ah hian champion lai niin a khingpui hi 6-0 7-6 (7-5) in Thawhtanni zing khan a hneh a. Tommy Paul nen an inkhel leh ang.
Alcaraz hian kuminah match 17 khel tawhin vawi 16 hnehna a chang tawh a. Tunhnai tournament pahnih a khelh tawh atangin set a la hloh miah lo.
World number one ni chhunzawm zel turin Miami-ah hian champion a mamawh.
Seeded number three Casper Ruud erawh tla in Botic van de Zandschulp chuan 3-6 6-4 6-4 in a hneh.
Inkhel dangah Andrey Rublev, Holger Rune leh Taylor Fritz te an chak vek.