India rama hmeichhe cricket inelna thar Women’s Premier League season hmasa ber chu khelh zawh a ni a. Final-ah Mumbai Indians in wicket sarih in Delhi Capitals hnehin an champion.
Brabourne Stadium a Pathianni zana final inkhelah hian Mumbai tan English batter Nat Sciver-Brunt-i’n out lova run 60 a siam chu hnehna an channa lian tak a ni a. Ball thum hmang bang in chak tura run 132 siam tlin an mamawh chu an siam tling a, 19.3 overs-ah run 134 siamin wicket thum chauh an hloh.
Delhi hi run 79 chauh an siam laiin wicket 9 an hloh hman a, mahse run 27 ve ve siam Radha Yadav leh Shikha Pandey ten 131 an tlinpui.
Mumbai bowler Hayley Matthews chuan over li vawmin wicket thum a lak bakah run 5 chiah a pe a, maiden over vawi hnih vawm bawkin a pawimawh a. Issy Wong chuan wicket thum a la ve bawk.