Aizawl: April 19, 2023-a Zemabawk Local Council bye-election neih tur atana an candidate tur mi pasarih chu ZPM party chuan nimin khan an puang.
Zemabawka candidate puanna neihah ZPM President Lalliansawta chuan thu a sawi a. Inthlan a awm reng rengin thil tha lo deuh mai chanchin hriat tel thin chu sum leh pai hmanga inthlemna a lo awm thin hi thil pawi a tih thu leh tih reh vat a ngai tih a sawi a. “Sum leh paia intham te, therhlo hmanga vote zawn te hi Pathian rilru a ni ve lo va, mihringte hian kan bawhchhe nasa em em a ni. Kan ram hi ram nuam tak, intodelh tak nihtir kan tum a, a bulthumah chuan inthlan atanga kan fimkhur a pawimawh a ni,” a ti.
Lalliansawta hian Zemabawk LC bye-election atana mi tha tak tak candidate an nei thei chu lawmawm a tih thu a sawi a. Bye-election atana ZPM aiawha ding turte chu thianghlim leh fel taka hnathawk tur leh, thlan tlin an nih pawhin Pathuan malsawm tlaka langtlak taka rorel turin a chah.
Zemabawk Local Council by-election atana ZPM Official Candidate turte chu –
- Lalhmunsiama Kawn veng
- Zosangliana Zokhawsang
- PC Vanlalngaia Zokhawsang
- Lalramhluna Vengthar
- PC Lalnunkima Hmangaihna Veng
- Lalmuanpuii High School veng
- Tlangkungi Venglai