Aizawl : Lunglei district level monitoring committee on central sector scheme ‘formation and promotion of 10,000 farmer producer organisations (FPO)” chu nimin khan an Chairman, Lunglei Bawrhsap Ramdinliani hovin an thukhawm.
Sorkar thuchhuahin a tarlan danin, he scheme-in a tum ber chu kuthnathawktu ten awmze nei leh hlawk zawka an thawhrah an seng theihna tura mumal taka an thawhhova an inzawmkh- awm theihna tura Farmer Producer Organisations (FPO) kaltlanga hmalak a ni.
Lunglei Bawrhsap chuan marketing lama hlawhchhamna chu loneitute tan eizawnna rintlak leh hlawkthlak tak neih theihna daltu pakhat a nih thu sawiin, lo neih chu district chhungah eizawnna atana hmang an la tam ber thu a sawi a. FPO in thlai tharchhuah leh hralh kawngah mawhphurhna sang tak an nei tih sawiin, cluster based business organization (CBBO) leh FPO te chu regular market-a inelna nei thei tura thlai tharchhuah tha zawk leh mawihnai zawk enkawl turin a fuih bawk.
He thutkhawmah hian Lunglei district chhunga FPO hmalak na kal mek te leh hma- chhawpte an thlirhova. Lunglei district chhungah FPO pathum din tawh niin, chungte chu Glover Organic Pvt. LTD hnuaiah Vanva Dragon Fruit Farmer Producer Company Ltd, Margdarshak Development Projects and Consulting Pvt. Ltd. hnuaiah Bunghmun Farmer Producer Company Ltd leh North East Initiative Development Agency (NEIDA) hnuiah Lus- hai Agriculture Producer Company Ltd.te an ni a. Heng FPO te hmalakna tur hian Ser- thlum, Dragon fruit, Hmarcha, Kuhva, Thi- ngfanghma, Aieng leh Hmunphiah te thlan chhuah tawh a nih thu sorkar thuchhuah chuan a tarlang bawk.