Namibia atanga nikuma India-a cheetah lak luh pariat zinga pakhat chu Thawhtanni khan a thi.
Zawhte lian January atang khan a kalah fel lohna a nei a. Sasha tia a hming an sak hi a chauvin a chak lo hle a, mi thiamten ni tin endikin tui a tlachham nasa a, a kal a tha lo bawk tih hmuh chhuah a ni.
A thisen an endiknaah a creatinine level pawh a sang hle a, hei hian a kal a tha lo tih a lantir a. A ruala lak luh cheetah dang erawh hrisel tha takin an awm.
Sasha hi India-a cheetah awmtir thar leh tumna beihpui thlaknaa nikuma Namibia atanga Madhya Pradesh-a Kuno National Park-a lak luh zinga mi a ni a. A nu panga zinga pakhat a ni.
September 17-a Prime Minister Narendra Modi-a’n park-a a chhuah zinga a nu kum ngaa upa pakhat zawk a ni a mi pahnih a chhuah zinga pakhat a ni.
Kar hmasa khan cheetah dang pahnih, Elton leh Freddie an tih chu Madhya Pradesh-a ramhnuaiah chhuahtir an ni bawk a. Anni nen hian pariat lak luh zinga pali chu Sheopur district-a park huam chhunga ramngaw tak takah chhuah an ni ta a ni.
Namibian cheetah pariat – a nu panga leh a pa pathum hi KNP-ah hian India-a kum 70 chuang liam tawha mang tawh zawhte lian chi awmtir thar lehna atana tih an ni a. India thlenpui an nih hlimah khung hran an nih hnuah tlema zalen deuh zawk, ramsa an pelh theihna turah dah leh an ni a, a hnuah ramngaw tak takah chhuah an ni chauh zel a ni.
February 18 khan KNP-ah tho hian cheetah 12 lai, a pa pasarih leh a nu panga chu South Africa atangin phurh thlen an ni bawk a. Tunah chuan KNP hi cheetah 20 awmna a ni ta.
India leh South Africa ramten inremna dang an siam saah India-ah hian African cheetah dah turin ruahmanna a awm mek bawk a ni.