Central Young Lai Association (CYLA)-in tun thla ni 22-a India leh Myanmar inrina-a misual kut tuara boral – South Lungphera YLA member B. Lalthafamkima leh New Siahaa mi Biaksuii leh Bablu, MRHG te thihna pawi an thu sawiin, mitthi chhungte an tawrhpui thu an sawi a. He tualthahnaa inhnamhnawih te an dem thu leh Mizoram leilung fa ten hetianga thil duhawmlo an tawk chuan an rilru a tihnat thu an sawi.
He thihna chungch- anga inhnamhnawihte zawnchhuah leh man- chhuah kawngah a th- eih ang angin hma an la nghal tih CYLA ch- uan an sawi a. Pawi- khawihtute man an nih thuai theihna tur leh dan anga a na thei ang bera hrem an nih theihna tura hma la chhunzawm zel turin sorkar thuneitute pawh an beisei tih an sawi.
CYLA chuan he thihna chungchanga an hmalakna leh thunei- tute hmalakna thlawpa, a theih ang anga thaw- hpui turin Mizoram mipuite leh Myanmar rama Zofate zawng zawngte an beisei tih an sawi a. A bikin Myanmar buaina avanga zalenna sualtu pawl hr- ang hrang te pawh he thihna chungchanga pawikhawihtu leh inh- namhnawih zawng zawngte manchhuah a nih thuai theihna tura hma la tura an beisei thu an sawi.
“Myanmar buaina avanga sahimna beiseia min rawn beltu kan unaute chhawmdawl hna theihtawp chhuaha kan thawh laia hetiang anga thungrulh kan ni hi kan hrethiam lo takzet” an ti a. “Hetiang thil hi kan hlauh ruk, thleng lo atana kan duh ngawih nga- wih a nih laia kan inunauna tiderthawng zawnga thil a thleng ta mai hi pawi kan ti” CYLA chuan an ti.
CYLA chuan “hetiang ang thil a thlen tawhlohna tura mahni mi leh sa te thunun tur leh khuahkhirh tur pawhin Myanmar lama kan unau zawng zawngte kan beisei” an ti a. CYLA pawhin Mizorama raltlante enk- awl kawngah khauh zawka khuahkhirh an nih theihna tura ruahmanna a siam nghal mek thu an sawi.
Thenawm rama Zofa te harsatna tawh chu an hriatthiampui rualin, an buaina avanga Mizoram mipui thlabar erawh an phal loh thu CYLA chuan an sawi a. “Tuna thil thleng ang hi a thleng leh a nih chuan kan duh miah loh thil, unau inkara thleng lo tura kan ngaih thil hial a lo thleng a nih pawhin min dem lo turin Myanmar lama kan unaute kan chah lawk a ni” an ti.
CYLA chuan Myanmar ram buaina remchanga lo laa, hlawkna beiseia dan phal loh thil hrang hrang damdawi leh ralthuam tawlhruk etc. a inhnamhnawih lo tur leh hetiang ang thil ti tute thawhpui lo turin mipuite an ngen nawn leh bawk.