Hyderabad FC head coach Manolo Marquez chuan tun season zawhah club a chhuahsan dawn tih club lamin an sawi chiang.
Super Cup leh AFC Cup Playoff khelh hmabak an neihte ah erawh club a la enkawl dawn.
Club neitupa Varun Tripuraneni chuan, “Manolo hnuaia season thum duhawm tak kan hmang a, Hyderabad FC pumpui aiawhin a hnenah pawh lawmthu kan sawi. League a team tha ber zingah min kaipui thei.”
“Manolo hian February thla khan a thutlukna hi min hrilh tawh a, a aiawh tur tha kan hmuh theihna turin hun min siamsak a duh a, hei hian club a ngaih pawimawhzia a tilang.” tiin a sawi.
Kum 2020 August a club a enkawl hnuah 2021-22 ISL title a lakpui bakah league-ah pangana a nihpui hnuah season hnih chhung pahnihna a nihpui.