AZL: Commerce & Industries Minister Dr R Lalthangliana chuan Tuipui ‘D’ atanga Darzokai zawh kaina tur lei dawh chu kumin hian lungphum phum hman tum a nih thu a sawi.
A bial chhung – South Lungleng, Muallianpui, Bualpui ‘H’ leh Thingsaite fanga khawtlang hruaitute nen an inkawmnaah Dr R Lalthangliana chuan Tuipui ‘D’ – Darzokai lei dawhna tur atan home ministry-a border management atanga Rs. vbc 70 senna tur niin project theh luh fel tawh a ni a, revenue clearance pawh tihfel vek tawh a nih thu a sawi a. Kumin chhunga lung phum hman ngei a beisei thu a sawiin, a hna thawh hun chhung hi a project a len tham avangin kum 5/6 vel lai a nih tur thu a sawi.
Dr R Lalthangliana hian, “Tuipui ‘D’ to Darzokai lei hi zawh dawn apiangin sumo tak ngial bungraw phurh pawh hlan thlak then zel a ngai a, he lei dawh tur hi Myanmar nena inkalpawhna lei tangkai tak tur a ni a. Siaha leh Lawngtlai lam atang pawha Aizawl panna kawng hnai zawk ni bawk tur a ni ang,” a ti.
Bialtu MLA hian Tuipui ‘D’ – Darzokai to Bualpui H inkalpawhna tura a MLA fund hmanga lawng lian a tuktir chu a khaw chheh vel hian an hmang tangkai hle dawn niin a sawi bawk.