Aizawl : February 2023 thlengin Undivided Champhai district chhunga sçhool 136 ah ruihhlo leh a kaihhnawih laka fihlim tura inzirtirna neih a ni a, zirna in 5 hmabak la awmahte pawh school luh veleh hmalak tum a ni.
Ruihhlo leh a kaihhnawih laka India ram a fihlim theihna tura sorkar laipui hmalakna ‘Nasha Mukh Bharat- Drug Free India Campaign’ kalpui meka Champhai district level committee thutkhawm nimina neihah he thu hi tarlan a ni a. He committee hian ruihhlo ng- aite enkawl kawnga aw- mze nei zawka hmalak a nih theihna tura program duang tur sub-committee a din bawk.
Thutkhawm kaihhruaitu Champhai Bawrh- sap James Lalrinchhana’n ruihhlo do kawngah tha thlah a rem loh thu sawiin, hmalakna leh hmachhawpte sawi hova inrawntlan leh infinchhuah tam a pawimawh thu a sawi a. Nasha Mukh Bharat Abhiyaan kaltlanga In- dia ram puma hmalakna district 372 thlan zinga hma la tha zual 10 zinga Champhai district a tel avanga lawmawm a tih thu a sawi.
Nasha Mukh Bharat Abhiyaan- Drug Free India campaign ah hian India rama district 272 ah ruihhlo dova hmalak hmasak a ni a. Nikum August khan district 100 dangah hmalak belh niin, he beihpui hi district 372 ah kalpui mek a ni.
Aizawl, Kolasib leh Champhai district-te chu Mizorama he beihpui thlaknate niin, Narcotics control bureau (NCB) leh Ministry of Social justice & empowerment kaltlanga national survey neihin drug hluarna district nia a tarlan zulzuia thlante an ni.