Coach thar hnuaiah South Korea a vawikhatna atan an tlawm a. Thawhlehni zingah Uruguay nen inkhelin 2-1 in South American team in hnehna an chang.
South Korea hi Jurgen Klinsmann hnuaia an inkhelh vawi hnihna a ni a, thla hmasa khan Paulo Bento thlaktu atana lakluh a ni.
Zirtawpni khan Colombia nen 2-2 a an inhnehtawk hnuah Uruguay lakah an tlawm.
Seoul a inkhelah minute 10-naah Federico Valverde corner chu defender Sebastian Coates chuan a tauh lut a. Minute ruk hnuah Hwang In-beom chuan South Korea si phurh a sut.
Minute 63-naah Matias Vecino chuan Uruguay tan goal a khung ve leh a ni.
South Korea hian Kim Young-gwon hmangin an si phurh an sut niin ngai hman mahse handball avangin goal a pawm a ni lo.
Inkhel dangah Yodoko Sakura Stadium-ah Colombia in 2-1 in Japan an hneh.
Japan tan tun season a Premier League a che tha Kaoru Mitoma in goal a khung hmasa a, mahse Jhon Duran leh Rafael Santos Borre ten Colombia tan goal an khung.