Aizawl : Kum 2022-2023 chhungin Mizoramah dan lova Cigarette lakluh pack 187340 man a ni a, Rs. nuai 150 chuang man nia chhut a ni.
National tobacco control programme leh Legal metrology Mizoram vaihlo leh a kaihhnawih khap leh dan lova Cigarette lakluh tihtawp chung- changa inrawnkhaw- mna nimina neihah he thu hi tarlan a ni a. Dan lova Cigarette lakluh an man te hi Legal Metrology-in an tichhe thin a ni.
Inspector of Legal Metrology Lalramchhana report-a a lan danin, Kum 2015 leh 2016 chho atangin Mizoram district 5-ah a bualtan nan Cigarrete tihrem beihpui thlak a ni a. a hnu kum 2 chhung 2016- 2018 inkar chhungin district 8-ah Cigarette pack 166982 man a ni.
Assistant Control- ler of Legal Metrology Vanlalrema Hna- mte-in a sawi danin khawchhak lam ata- nga dan lova Cigarette lakluh za-a 60 laiin Mizoram leh Manipur a paltlang a. Manipur aiin Mizoram chu kalkawngah an hmang nasa. Kum 2016-ah India Cigarette atanga chhiah lak Rs nuai 1475 let thum/li dawn laia tam dan lova Cigarette lakluh a ni.
Ban phak maia Cigarette awmin naupang leh kumtlinglo te zingah meizuk a ti hluar niin Assistant Controller of Legal Metrology Vanlalrema Hna- mte chuan a sawi a. “Heng Cigarette te hi a him lo bawk a, kan hriselna in tawrh phah hle” a ti bawk.
Legal Consultant National Tobacco Co- ntrol, NHM Vanlal- zari pawhin COTPA leh a hnuaia dan hrang hrang sawifiahin, mi- pui vantlang zinga meizuk, kumtlinglo hnena vaihlo lam chi hralh, meizuk promote zawnga advertisement leh sponsorship bakah zirna in hnai- vaia vaihhlo kaihhnawih hralh chhuah phal loh a nih dan te a sawifiah bawk a ni.