Aizawl: Hnahthiala District Fisheries Development Officer (DFDO) pisa thar chu nimin khan South Tuipui bialtu MLA Dr R Lalthangliana, Health Minister-in a hawng.
Lunglenga Zofa Rûn-ah hawnna inkhawm neiin niin khuallian Dr R Lalthangliana chuan district thar tihpuitlin nan DFDO office chu fisheries department changtu, Minister K. Lalrinliana ho ngeia hawn a ni thei chu lawmawm a tih thu a sawi.
Bialtu MLA Dr R Lalthangliana hian Mizorama luite chu humhalh that a nih chuan lui lam saah intodelhna tham a awm thu sawiin, sangha leh lui lam sate chu uluk taka enkawl chuan a thang duhin intodelhna tham leh dinchhuahna tham a nih thu a sawi.
Khualzahawm, K. Lalrinliana, Fisheries Minister pawhin thu sawiin sangha leh lui lam sate chu chaw tha leh hrisel a ni tiin intodelh loh avangin state dang atangin sa chi hrang hrang lak luh a ngai thin chu pawi a tih thu a sawi a, humhalhna kawngah mipui leh sorkar tanho a pawimawh thu a sawi bawk.
Fisheries Department Secretary Laldawngliana kaihhruai inkhawmah hian Fisheries Director F.Vanlallawma leh Hnahthial Bawrhsap R. Lalremsanga ten thu an sawi bawk.