- Mahmuaka Chhakchhuak
Isaia 7;14
“Chuvangin Lalpa ngei chuan chhinchhiahna a pe ang che u; ngai teh u, nula thianghlim pakhat a rai anga, fapa a hring ang a, a hmingah Immanuela a sa ang.”
Zawlnei Isaia ziak tarlan zingah hian ‘Nula thianghlim‘ tih hi tunlai hunah hian sawidan in ang lo a awm thar tlat mai a, a thenin ‘Nula thianghlim, mipa la pawl lo’ tihna a ni an tih laiin a thenin ‘Nula, pasal nei rual sawina zawk a ni ‘ an ti thung a, theih ang tawkin i han chhui chiang dawn teh ang.
Nula thianghlim hi Israel te chuan an ngaisang em em mai a, Puithiamte phei chuan nula thianghlim lo chu nupui atan an nei tur a nilo an ti hial a ni. Deut. 22;13-30 chhung thu han chhiar hian chiang tak maiin nula thianghlim leh thianghlim lo an dah hran dan kan hmu thei a, miin nula thianghlim a mutpui chuan chumi chu nupuiah a nei ngei tur a ni a, a damchhungin a then thei tawh lo ang, tin, miin nupui a neih a, a thianghlimna a hmuh loh chuan mualpho takin a siam thei a ni. Chutianga nula chu a lo thianghlim lo ngei a nih chuan a pa In ata an hruai chhuak anga, a awmna khuaa mite chuan lungin an denghlum ang.
Isaia 7;14 thua ‘Nula thianghlim’ a tih hi hetiang hian English Bible hrang hrang te chuan an sawi a; –
VIRGIN; NKJV, NIV, YLT, CEV, EBR, ERV, ESV, LB, WEB, HNV, Wycliffe, TRC, UKJV, UTV, Bishops, BB, LEB (or Young woman), MSTC, RVKJV, Rotherham, NHEBn, KJV, KJVA, ISV, LITV-TSP, Julia, KJ2000, KJB;PCE, Geneva, HRB, HSB (almah), EWBCB, BSV, Brenton, CPDV2009, CT OC-NC, ASV, WOY, ACV, AKJV, ECB, ERRB, CAB, CGV, Coverdale, DBR, Douay – Rheims, SSE, VW, etc
MAIDEN; The Scriptures 1998, IAV, etc
YOUNG WOMAN; Leeser, NET, JPS-ASVII, BBE, NRSV, ETRV, etc
DAMSEL; CLV
Ampliflied chuan ‘The Young woman who is unmarried and a virgin‘ a ti a. The Massage chuan ‘A girl who is presently a virgin will get pregnant‘ a ti bawk.
Hebrai tawnga ‘almah‘ (al-maw tia lam tur a ni) tih chu virgin sawina a tana hman a ni a, nimahsela Hebrai thumal dangah te pawh virgin sawina chu a awm tho mai a, hetiang hian han en ta hlawm ila ; –
betulah; – betulah tih chu thianghlim, mo, nula tihna te a ni a, KJV in vawi 50 lai a hmang a ni.
naar; – naar tih chu mipa naupang, a naupanlai atanga a tleirawl hun kum, hnathawh thei hun kum thlenga sawina a ni a, hmeichhe naupang, nausen, naupang, nula, hnathawk thei rual sawina a ni bawk. KJV chuan vawi 239 lai he thu hi a hmang bawk a ni.
naarah; – naarah tih chu hmeichhe naupang, nula, thalai sawina a ni. KJV in vawi 63 lai a hmang bawk.
almah; – almah tih chu tleirawl, nula, nula thianghlim pasal nei thei rual tihna a ni. KJV hian vawi 7 a sawi bawk.
Greek tawng chuan ‘Parthenos‘ tih a ni a, KJV chuan vawi 14 lai a hmang bawk a ni. A awmzia chu ; –
(1) Pasal nei thei tura kum puitling tihna a ni.
(2) Hmeichhia, mipa la mutpui ngailo sawina a ni.
(3) Fanu mal pasal nei thei rual sawina a ni.
Tin, mipa, bawlhhlawhna zawng zawng lak ata inthiar filhim a, milem biakna leh hurna lak ata invawng thianghlim sawina a ni bawk.
Luka 2;7
“Tin, a fa tir ah mipa a hring a, puanin a tuam a, khualbuka an len ve tak loh avangin ran chaw pekna thlengah a muttir a“.
Helai changah hian sawifiah ngai awm ta chu Mari hian a naupai hi ran chaw pekna thlengah a hring nge hmundang ah a hring zawk? tih hi a ni. Fakna hla hrang hrangahte chuan ran chaw pekna thlenga piang angin an sawi hlawm a, chuvang chuan kan thinlungah ran chaw pekna thlenga piang angin kan ngaih phah pawh a ni ngei ang. Nimahsela, ngun takin a thu han chhiar hian ran chaw pekna thlengah hian a pian hmel loh riau mai a, Mari hian a pian hnuah a muttir chauh niin a lang a ni.
Hetiang hian Bible hrang hrang te sawi dan ilo thlir nghal teh ang: –
English Bible hrang hrang te chuan ‘No room for them‘ tih leh ‘Not a place for them‘ tiin an ziak hlawm a, he sentence khat lek hi han sawifiah hmasa phawt ta ila; ‘No room for them‘ tih chu mikhual thlenna in (khualbuk) ah chuan thlen an tum a, an tan awmna tur hmun a awm lo tihna a ni. ‘Not a place for them’ tih chu engemaw avangin an tan hmun a awm ve lo tihna a ni. Anmahniah fellohna leh remlohna a awm avang chuan khualbuk ah chuan an tan hmun a awm ve lo a ni.
Hetiang hi Bible hrang hrang te sawi dan a ni:
NO ROOM FOR THEM
WIKI, TRC, The Scripture 1998, UTV, WEL, Wesley’s, MSTC, Thomas Haweis NT 1795, WOY, ARV, ASV, AUV, BBE, BWE, VW, BSV, CTOC+NC, DBR, Douay-Rheims, EWB-CB, JB2000, EVID, FAA, Geneva, G-NT-TR, GSNT, HRB, HNC-NT, IAV, Moffatt NT, JPS-ASVII, KJB;PCE, KJVCNT, KJVA, LONT, NHEBn, RNKJV, Rotherham, SENT, Bishops, BB, Knox NT, WMSNT, WTNT, WEB(R), HNV, WAS, AMP, KJV, CPDV, CEV, Coverdale, ERV, NIV, MSG, Webster, WEB, 20CNT, Darby, DRC, EBR, Great, LHB, Matthew, NHEB, Tyndale, LB, etc
NOT A PLACE FOR THEM
ESV, YLT, EMTV, ISV, LEB, NET, SLT, Wycliffe, ACV, ALT, AS, CAB, CLV, CGV, Diaglott-NT, Etheridge, ECB, ERRB, ISV, LITV-TSP, KJ3, Lamsa NT, LEB, MLV2015, OJB, RYLY-NT, Sinaitic NT 1918, RV, etc
Hetiang hian Bible tam zawkte chuan khualbuka hmun a awm loh avanga leng lo angin an sawi hlawm a, nimahsela, Bible thenkhatte chuan engemaw avanga khualbuka thlen rem lo angin an sawi thung bawk a ni.
A eng hi nge dik ta zawk ang ang le? Thuthlung Hlui hun atang tawha Juda dan kan en chuan Lev. 12; 1- 5 thu kan chhiarin chiang takin hetiang hian kan hmu a: Hmeichhiain nau a pai a, fapa a hrin chuan ni sarih a bawlhhlawh anga, hmeichhe dan pangngai hun laia a bawlhhlawh ang chuan a bawlhhlawh ang tiin. Hei vang hian Mari hian mipa fa a hring a, nau neih avang chuan a bawlhhlawh a, khualbukah an tan hmun a awm ve thei lo a ni. He dan hi an vawng tha em em mai a, sawi ngai loin mitinin an hria a, an zawm avang hian Khualbuk vengtu (Manager) hian lo khawngaihin an tan hian Ran chawpekna thleng alo kawhhmuh a ni.
Eng nge nang i pawmdan ni ve le, aw ka Unau?